Meet Our Barista - Rachel
點解一開始你會想做咖啡師?
「我好鍾意講嘢!笑死!我好鍾意咖啡帶俾我去同更多人交流嘅機會。我好享受可以透過咖啡去認識唔同背景甚至唔同來自國家嘅人。」(最重要嘅係可以收集更多朋朋!)
PAUSE IT嘅食物同飲品推介?
「慢煮雞胸香草麵包三文治配薯條,SOE Lemon Shakerato。雞包我由sourdough食到baguette食到foccacia,佢都係我TOP 1!細聲講加埋反蛋仲正~ SOE Lemon Shakerato 飲落有檸檬嘅酸味同時又有蜜糖嘅甜,平時神智唔清醒飲完即刻爆watt!」
你喺PAUSE IT最開心/深刻嘅回憶係咩?
「由讀書時期喺到返Part Time,去到畢業後正式成為PAUSE IT一份子,不經不覺已經四年時間(呢張相係四年前影嘅!),呢度記錄咗我好多珍貴嘅回憶。我亦見證好多客人唔同時段嘅經歷:見證佢哋第一次嚟PAUSE IT、慢慢熟悉佢哋日常生活中細微嘅習慣、見證佢哋迎接新家庭成員、結識新朋朋、甚至同移民嘅好友別離……感覺大家都係一齊喺呢個地方成長。我好珍惜呢啲點滴嘅片段同回憶,因為佢哋對我嚟講係生活中非常珍貴嘅。」
一句你好鍾意/啟發到你嘅句子?
「世界要你努力去考取功名,但是真誠才是最大本領。係MLA《驗孕的下晝》嘅歌詞。我相信身邊嘅人一定感受到你對佢地嘅真誠,而咁樣先建立到stronger bonding。」
ONE FUN FACT ABOUT YOU?
「我有短指症,手指公特別短」
PAUSE IT
𝙒𝙝𝙚𝙧𝙚 𝙘𝙤𝙛𝙛𝙚𝙚 𝙗𝙚𝙘𝙤𝙢𝙚𝙨 𝙖𝙣 𝙚𝙭𝙥𝙚𝙧𝙞𝙚𝙣𝙘𝙚.